الجمارك الأردنية: مستكثرين العيد علينا؟
October 24th, 2011
تحديث: حتى جراند سينما وقفت الأفلام
الظاهر إنو موضة الجمارك الأردنية هي إنو كل عيد أو موسم بيدر دخل على السينمات هو المقصود، يمكن محلات القرصنة اللي بالبلد من صحابهم أو إشي. الواحد بطّل يعرف شو يعمل أو يقول. أعلن موقع برايم سينيما التالي صباح اليوم: لقد فرضت السلطات الجمركية الأردنية قوانين جديدة وغامضة بشأن استيراد الأفلام الجديدة إلى الأردن، هذة القوانين تجعل من المستحيل على الاستوديوهات الكبرى في هوليوود ومنتجي الأفلام أن يرسلوا الأفلام إلى الأردن ونتيجة لذلك: لا يعرض أي فيلم جديد في الأردن ولن .يعرض أي فيلم جديد ما لم ترفع هذه الأحكام أو تعدل وتغلق الصالات في ٢٥ من أكتوبر ٢٠١١
هلأ في ناس رح تعّلق تعليق سمج زي وجها وتقول: شو يعني رح تموت إذا ما حطوا افلام جديدة بالسينما؟ - ياااااي طنطات عبدون اعملوا مظاهرة - وبالناقص اصلا هم بيدعموا اسرائيل وكل اللعي الفاضي اللي ما بيحل ولا بيربط
أعزائي الجمارك الأردنية، الأكسجين النقي قديش نسبة الجمرك فيه بالله؟
والله عيب. احنا داخلين عالـ ٢٠١٢ وهاي السينيمات فيها ولاد بلد بتشتغل وبدها تعّيد مع اهلها ولو سكّرت هالصالات بينقطع رزقهم. شركات السينيما ما رح تدفع ايجارات وكهربا وضرايب عشان تعرض افلام معاده، قديمه وما بتبيع والواحد شو بيقدر يعمل بالعيد غير زيارة الأقارب، السفر أو القعدة بالبيت؟
وبتسألو ابن البلد بيهج برّه ليش!
Facebook comments:
4 Responses so far.
Leave a Reply
Tweet me
10
moeys
هههه ضحكتوني بتعرفو شو المشكلة مش في السينما او الجمارك المشكلة فينا احنا يا اخ هاز او بندق (سوري ما عرفت الفظ اسمك) ويا اخ ابراهيم و يا اخ تامر .. الخ الخ انو الموضوع مش بالأكم واحد اللي رح يبطل شغل إذا هاد اللي ماكلين همو! و ما بظن انكم رح تاكلو هم الناس .. هاد اللي كان قصدي فيه .. واللي بدو جد شغل رح يدور ويلاقي بس اللي قاعد يتشكون البطالة .. مافي شغل .. الحقونا .. bla bla bla هاد حكي فاااضي مع احترامي لأراء الجميع (بعكسكم طبعا!!)
و الشاطر يفهم تعليقي الأول لأنو مش كل شي بنشرحو جرايد في اشي اسمو وراء الأسطر يا فهمان.. وشكراً
انا بأمن بكل بلد في مشاكل بطالة بس ما نظل نتشكون و نحط ايدينا على خدنا انا بشوف شباب ماشاء الله عليهم بفتحوا مشاريع من أفكار و ليس (أموال) الأفكار مابتخلص يعني الشغل ما بيخلص يعني الواحد يشغل مخو شوي يفكر من ولا شي بتقدر تحصل على كل شي
بعدين يلي لاقيين شغل شدوا ايديكم شوي جمعوا خلص تصرفوا على الفاضي والمليان لك حتى اللي لاقيين شغل بيتشكونوا !!! إذا وين المشكلة ؟!
للأسف مش بس ما بيعرفوا يفكروا ما بيعرفو يناقشوا ولا يعطوا اراء بناءة!
على فكرة للي ما قرأ منيح حتى عربي (اردني) مش مفهوم عنا شو هاد بدكم (نظارة)
جزء من اللي ذُكِر في المقال:
هلأ في ناس رح تعّلق تعليق سمج زي وجها وتقول: شو يعني رح تموت إذا ما حطوا افلام جديدة بالسينما؟ – ياااااي طنطات عبدون اعملوا مظاهرة – وبالناقص اصلا هم بيدعموا اسرائيل وكل اللعي الفاضي اللي ما بيحل ولا بيربط
وهذا الجزء
“وهاي السينيمات فيها ولاد بلد بتشتغل وبدها تعّيد مع اهلها ولو سكّرت هالصالات بينقطع رزقهم.”
من أي جانب اخذتوها بالزبط!!!
اما بالنسبة لصلات السينما ادفعوا الجمارك مش بس شاطرين تكسبوا مصاري وبس يجي وقت الحساب تسحبوا حالكم وتتهربوا من دفع الضرائب
وبتقدموا وثائق غير حقيقية عشان تتهربوا من تأدية الرسوم الجمركية جزئياً على قول جريدة الغد!!!
حلااااااااااال يا ناس حلاااااااااااال…
تصحيح بسيط : “يعني ولاد العالم (اللي بيشتغلوا في صالاتكم) مش لعبة بإيدكم !!”